剛剛睇完一篇網誌提及男友重遇舊情人, 令我諗反起我都有咁經歷. 話說逢周六早上都係我同方大少去超市入貨的重要節目. 某週六正同方大少討論緊買什麼菜時, 突然他同一位女仕好親切打招呼, 接著發揮我認為瑞士人的強項, 勁吹水. 我就如一尊石像, 等呀, 等呀, 擔天望地, 又唔好意思走開. 因為我學的是德文, 但係佢地口語係用瑞士德文, 好似廣東話同國語的分別, 所以我有好多都係聽唔明. 期間聽見提及我的名字, 隱約知道我係佢地的話題, 我亦感覺個位女仕望我的眼神有別與其它朋友.
終於等到佢哋吹完水, say goodbye後, 方大少先至同我講個位女仕係佢1st girlfriend, 我反應奇大, 但唔係嬲, 因為知佢地都仲有聯絡. 而係.........我同方大少講: 哇, 唔係化? 就係佢?? 佢個樣似大你成十年有多, 佢唔係細過你? 唔通鬼妹真係殘得咁快? 接著方大少同我講, 而加我應該知點解揾我做女朋友, 樣同智商都係十年如一日, 並無隨年齡進步. 我話只不過話佢有D老, 使唔使咁"潤"我, 慘得過我個樣仲可以騙人!
PS: 瑞士人親切打招呼係kiss 3次面頰.
No comments:
Post a Comment