總有一個係左近！

方大少堅持住在此鎮，是因為大部份友人也住在這裡。一個來電，１５分鐘內十多二十人齊集在酒吧內，絕非難事 ！ 又不知是否方大少交遊廣濶，無論工作天或週六大清早與他出琉森市中心，遇上朋友的機會也超過８成（還是琉森太小？）。

但對於注重私隱的花子就感到有點不自在，出現以下事情後更讓花子檢討必須注意自己的言行。因為方大少很多耳目，隨時隨地都有人向他匯報花子的一舉動。起因是。。。

數週前週六早上：

方大少很認真地向花子說：喂，你過馬路小心D先得㗎！

花子摸不著頭腦，心想不用這樣咀咒我吧：吓，咩嘢呀？？

方大少續說：F先生叫我同你講，過馬路要睇車。

花子更混亂：我過馬路又關佢事？

方大少：佢話禮拜五見到你好似唔睇車就過馬路，咁樣好危險！

花子反駁：無D咁嘅事，我不嬲都好小心嘅！

（ 我鎮是沒有交通燈，取以代之是斑馬線。猶記花子初來是很不習慣，在馬路邊往往停下腳步等候，看見車輛在旁邊停下來才橫過馬路。方大少就跟花子說必須要走出馬路，駕駛人仕自然會停車的。確實花子見其他過路人仕很多都不會留意交通情況，一股腦兒便橫過馬路。但跟方大少說我個子矮小，不懂駕車，不知駕駛人仕是否已看見花子，又不懂評估以這樣的車速能否趕及停車好讓花子過馬路，於是堅持自家的一套，小心謹慎為上。）

方大少續說：嗱，個日落雨要擔遮，你又聽住Ipod，同埋你啱啱係個度買完包薯片出來，好明顯你興奮得濟，掛住返屋企食，而唔睇路。

花子極力回想當日情況，但全沒過馬路不小心的印象。還要被人踢爆買薯片，心中有點不忿：我真係記唔係我有唔小心囉。唓，佢見到我都唔叫我，仲報寸俾你聽。

方大少回應：唔知佢點解唔叫你，但佢都係關心你，以後小心D就得啦！

知悉F先生向方大少作出這樣詳細的“匯報”，真的完全覺得「總有一個係左近」！