笑話一則

如網友所說，與方大少雞同鴨講，笑話一大籮，確實如此。

話說一次閒聊期間提及下次回港行程，美食等，便出現以下對話。

方大少：有間酒樓未掛咗周潤發幅相嘅?

花子毫不猶疑回答：做咩，你想去個度等周潤發？咪咁傻啦，唔會見到佢㗎！（花子會有這樣反應是因為知道周潤發是方大少欣賞的華藉演員，昔日在舊居走廊還掛有一幅「臥虎藏龍」電影海報。）

方大少被花子的回應弄得哭笑不得：唔係呀，我意思係話要去翻個間酒樓到食點心，個度D點心係最好食嘅。

花子放下心頭大石，忍不住笑著說：哦，去個度食點心，無問題啦！幾驚你話要去個度等同周潤發影相。(讓方大少回味無窮的是位於尖沙咀近良士大廈的鴻星酒家。）

方大少接著問：咁查實你知唔知周潤發住係美國定香港？

花子馬上回答：嘩，我點鬼知！（然後慢慢把話題轉移，心想千萬別讓他知道周潤發有時會在九龍城街市出沒，要不然有可能著花子帶他到那處見識一下兼碰碰運氣會否遇見周潤發！）